ირინა ფრუიძე – 2019 წლის ბოლომდე უზრუნველვყოფთ საპარლამენტო ღიაობის სამოქმედო გეგმის განხორციელებას

ღია მმართველობის მუდმივმოქმედი საპარლამენტო საბჭოსა და საბჭოსთან არსებული საკონსულტაციო ჯგუფის დღევანდელ სხდომაზე პარლამენტის მესამე სამოქმედო გეგმის განხორციელების ანგარიში მოისმინეს და 2018-2019 წლების სამოქმედო გეგმის ვალდებულებები და აქტივობები მიმოიხილეს.

როგორც „ინტერპრესნიუსს“ საქართველოს პარლამენტიდან აცნობეს, საბჭოს წევრმა დეპუტატებმა, ასევე საკონსულტაციო ჯგუფის წარმომადგენლებმა ცალკეულ ვალდებულებებთან დაკავშირებით საკუთარი მოსაზრებები გამოთქვეს. სხდომის მუშაობაში მონაწილეობდნენ პარლამენტის აპარატის უფროსი გივი მიქანაძე და აპარატის უფროსის მოადგილე შოთა გოშაძე.

პარლამენტის ინფორმაციით, მიმდინარე წლის ზაფხულში პარლამენტმა ღია მმართველობის მესამე სამოქმედო გეგმა დაამტკიცა. ღია მმართველობის მუდმივმოქმედი საპარლამენტო საბჭოს თავმჯდომარის, ირინა ფრუიძის შეფასებით, ეს საკმაოდ ამბიციური გეგმაა, რომელიც ძალიან ბევრ ვალდებულებას მოიცავს იმისათვის, რომ პარლამენტი კიდევ უფრო ღია გახდეს და საზოგადოება კიდევ უფრო მეტად იყოს ჩართული საპარლამენტო საქმიანობაში.

„ჩვენ ჩამოვაყალიბებთ რამდენიმე სამუშაო ჯგუფს, რომელიც ვალდებულებების შესრულებაზე იმუშავებს“, - აღნიშნა ირინა ფრუიძემ.

საბჭოს წევრის, საპროცედურო საკითხთა და წესების კომიტეტის თავმჯდომარის, გიორგი კახიანის განცხადებით, საპარლამენტო ღიაობის გეგმა ეროვნული ღიაობის სამოქმედო გეგმის შემადგენელი ნაწილი გახდა.

„დარწმუნებული ვარ, რომ ამ გეგმის შესრულების დროსაც ჩვენ ისეთივე წარმატებულები ვიქნებით, როგორც წინა სამოქმედო გეგმების შესრულებისას ვიყავით. ჩვენ ამ სტანდარტებით, საერთაშორისო ფორუმებზე ღია პარლამენტის სამოქმედო ნაწილში ერთ-ერთ მოწინავე სახელმწიფოდ მოგვიხსენიებენ მსოფლიოს მასშტაბით, ყველა იმ სახელმწიფოთა შორის, რომელიც ამ პროცესშია ჩართული“, - აღნიშნა გიორგი კახიანმა.

მისივე ინფორმაციით, სამოქმედო გეგმით აღებული რამდენიმე ვალდებულება უკვე გათვალისწინებულია საქართველოს პარლამენტის ახალ რეგლამენტში, რომელიც პარლამენტმა ცოტა ხნის წინ ერთი მოსმენით მიიღო.

„ეს ეხება პარლამენტის ღიაობის ნაწილს, ეს ეხება მოქალაქეთა ჩართულობას საკანონმდებლო საქმიანობაში, საბიუჯეტო პროცესს და, ასევე, ეთიკის კოდექსს. კერძოდ, პარლამენტის რეგლამენტში უკვე ასახულია ეთიკის საბჭოს შექმნის საკითხი, გარდა ამისა, პარლამენტი მომდევნო სესიებზე იმსჯელებს ასევე ეთიკის კოდექსის მიღებაზე“, - განაცხადა გიორგი კახიანმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო