ნატო ჩხეიძე - ვერავინ წაგვართვა ბიზნესი ვერც მაშინ და დარწმუნებული ბრძანდებოდეთ, ვერც ახლა წაგვართმევენ

ყველა მოქმედება, რაც ბანკში ჩატარდა, სამწუხაროდ უკანონოდ, ყველაფერი ამის საბუთი არსებობს, - ამის შესახებ ჟურნალისტებს თბილისის პროკურატურაში შესვლამდე „ომეგა ჯგუფის“ ერთ-ერთმა მფლობელმა, დეპუტატმა ნატო ჩხეიძემ განუცხადა.

მისი თქმით, ბიძინა ივანიშვილისთვის 4 მილიონის გადარიცხვის საკითხზე ინფორმაცია 2016 წლის აპრილში ჰქონდა.

კითხვაზე, რატომ არ გამოიყენა მან საპარლამენტო ტრიბუნა, აცხადებს, რომ მაშინ საქართველოში ამაზე საუბარი არაფრისმომცემი იყო და საკმაოდ საშიში არა მხოლოდ მათთვის, არამედ იმ ადამიანებისთვისაც, რომლებიც „ომეგა ჯგუფიდან“ იძულებული გახდნენ ამ საქმეში ჩართულიყვნენ.

ჩხეიძე აღნიშნავს, რომ ამ პროცესში ისინი ლონდონში განვითარებულ მოვლენებსაც აკვირდებოდნენ, რათა იქ შესაძლებელი ყოფილიყო ამ საკითხზე საუბარი.

„4 მილიონის ბიძინა ივანიშვილისთვის გადარიცხვის საკითხზე ინფორმაცია 2016 წლის აპრილში მქონდა. ყველაფერი ის მოქმედებები, რაც ბანკში ჩატარდა, სამწუხაროდ უკანონოდ, ყველაფერი ამის საბუთი არსებობს. პარლამენტის ტრიბუნა როცა გამოვიყენე, მაშინაც არავინ არაფერში არ მოიკითხა. საქართველოში ამაზე საუბარი არაფრისმომცემი იყო. ამიტომ, სანამ ის ვითარება არ შეიქმნა, რომ ლონდონში უკვე შესაძლებელი იყო ამ საქმეზე მსჯელობა, მანამ საქართველოში ამის თქმა საკმაოდ საშიში იყო, არა მხოლოდ ჩემთვის, არამედ იმ ადამიანებისთვისაც, რომლებიც ამ საქმეში „ომეგა ჯგუფიდან“ ძალაუნებურად იყვნენ ჩართულები“, - აღნიშნა ნატო ჩხეიძემ.

ჩხეიძე ასევე გამოეხმაურა, „საქართველოს ბანკის“ მიერ გავრცელებულ განცხადებასაც, სადაც საუბარია ბანკთან მიმართებაში „ომეგა ჯგუფის“ 84 მილიონიან ვალდებულებაზე. ჩხეიძე აცხადებს, რომ ასეთ საკითხებზე ინფორმაციას დირექტორები ფლობენ და არა თვითონ.

„მე ვარ დეპუტატი და ყველა ფინანსურ საკითხზე ბიზნესკომპანიისა, არ მაქვს ინფორმაცია. თუმცა გპირდებით, ამას გამოვიკითხავ და მოგაწვდით ინფორმაციას.

ვერავინ ვერ წაგვართვა ბიზნესი ვერც მაშინ და დარწმუნებული ბრძანდებოდეთ, ვერც ახლა ვერავინ წაგვართმევს ბიზნესს“, - განაცხადა ნატო ჩხეიძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო