დავით ბაქრაძე - „ქართულმა ოცნებამ“ წინ ვერ წაიყვანა ქვეყანა და 10 წლის წინანდელ სტანდარტზე დატოვა

„ქართულმა ოცნებამ“ წინ ვერ წაიყვანა ქვეყანა და დატოვა 10 წლის წინანდელ სტანდარტზე, რაც მიანიშნებს ერთადერთ რამაზე, რომ თუ ჩვენ გვინდა წავიდეთ წინ, უნდა გვყავდეს ხელისუფლება, რომელიც მუდმივად უკან არ იხედება, - ამის შესახებ „პალიტრანიუსის“ გადაცემაში „360 გრადუსი“ პარტია „ევროპული საქართველოს“ საპრეზიდენტო კანდიდატმა, დავით ბაქრაძემ განაცხადა.

მისი თქმით, „ქართული ოცნება“ მუდმივად ედრება წარსულს და არასდროს საუბრობს მომავალზე, რითაც ამტკიცებს, რომ საკუთარი რესურსი ამოწურა. „მათი ერთადერთი მიღწევაა თქვან, რომ მე ცუდი ვარ, მაგრამ წინა უარესი იყო. ამას წერტილი უნდა დაესვას“, - აღნიშნა დავით ბაქრაძემ.