სუს-ი სიცრუეს უწოდებს ინფორმაციას, რომ წუხელ, დედაქალაქის ქუჩებში უკანონო სააგიტაციო მასალებს სუს-ის თანამშრომლები აკრავდნენ

სახელმწიფო უსაფრთხოების სამსახური უარყოფს გაერთიანებული ოპოზიციის მიერ გავრცელებულ ინფორმაციას, რომ წუხელ დედაქალაქის ქუჩებში უკანონო სააგიტაციო მასალებს სუს-ის თანამშრომლები აკრავდნენ.

„დასახელებული პირი არ არის და არ ყოფილა სახელმწიფო უსაფრთხოების სამსახურის თანამშრომელი. ეს არის ცრუ ინფორმაცია“, - განუცხადეს „ინტერპრესნიუსს“ უწყებაში.

როგორც ცნობილია, „ძალა ერთობაშია" აუდიტის სამსახურს და შსს-ს გენერალურ ინსპექციას მიმართავს და მოითხოვს, რეაგირება მოახდინონ თბილისში წუხელ მომხდარ ფაქტზე.

კერძოდ, "ძალა ერთობაშიას" ერთ-ერთი ლიდერის გიორგი ვაშაძის თქმით, წუხელ დედაქალაქის ქუჩებში სავარაუდოდ, სუს-ის თანამშრომლები აკრავდნენ უკანონო სააგიტაციო მასალებს. გიორგი ვაშაძის თქმით, ეს მიუთითებს, რომ "ქართული ოცნება" რთულ მდგომარეობაში იმყოფება.

"ჩვენ გვაქვს დამადასტურებელი ფაქტი, რომ სუს-ის წარმომადგენლები ქალაქის მასშტაბით აკრავენ პლაკატებს. პლაკატებზე არის ნეგატიური „ფეიქ კამპანია“. მე მესმის მათი, რადგან მათი კანდიდატი აგებს წინასწარი მონაცემებით არჩევნებში. ვის მოვთხოვოთ საქმის გამოძიება - სუს-ს? კადრებში ჩანს, სავარაუდოდ, სუს-ის აგენტი

გიორგი მანჯგალაძე, რომელიც არის მთავარი მოქმედი პირი," - განაცხადა გიორგი ვაშაძემ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა