„თიბისი“ დაზღვევა და „თიბისი ბანკი“ მცირე და საშუალო ბიზნესის წარმომადგენლებს 1-ელი ოქტომბრიდან  ახალ მომსახურებას სთავაზობს

„თიბისი“ დაზღვევა და „თიბისი ბანკი“ მცირე და საშუალო ბიზნესის წარმომადგენლებს 1-ელი ოქტომბრიდან ახალ მომსახურებას სთავაზობს. როგორც „ინტერპრესნიუსს“ „თიბისი ბანკიდან“ აცნობეს, ბიზნესის დაზღვევა გაუთვალისწინებელი შემთხვევებისგან უკვე ბანკიდან იქნება შესაძლებელი.

მათი ინფორმაციით, დღეს ბანკში იურიდიული პირებისთვის სამი პროდუქტის შეძენაა შესაძლებელი: ავტომობილის დაზღვევა, ქონების დაზღვევა, კომბინირებული ბიზნეს დაზღვევა.

ავტომობილის დაზღვევა მოიცავს: ავტომობილისა და მგზავრების, უბედური შემთხვევისა და მესამე პირთა მიმართ ავტოპასუხისმგებლობის რისკების დაზღვევას.

ქონების დაზღვევა მოიცავს: შენობა-ნაგებობების, რემონტის, მანქანა-დანადგარების, ელექტრო მოწყობილობებისა და მარაგების დაზღვევას.

ასევე, მცირე და საშუალო ბიზნესს თიბისი დაზღვევა და თიბისი ბანკი მათზე მორგებულ ახალ კომბინირებულ პროდუქტს - ბიზნესის დაზღვევას სთავაზობს. ბიზნესის დაზღვევა სამ პროდუქტს აერთიანებს: შენობა-ნაგებობების დაზღვევას, ქონების დაზიანებას და ბიზნესის შეფერხებას.

„ეს კიდევ ერთი ახალი ინიციატივაა იმისათვის, რომ ჩვენი მომხმარებლებისთვის თიბისი დაზღვევის სერვისები მაქსიმალურად მოხერხებული და ადვილად მისაწვდომი იყოს. სადაზღვევო სერვისის ბანკში შეძენა ჩვენი კლიენტების დროსა და ენერგიას ზოგავს. ჩვენი ჯგუფი მუდმივად მუშაობს პროდუქტების და დაზღვევის სერვისების გაუმჯობესაბასა და მოქნილობაზე“, - განაცხადა „თიბისი“ დაზღვევის გენერალურმა დირექტორმა და „თიბისის“ გენერალური დირექტორის მოადგილემ პაატა ღაძაძემ.

როგორც ინფორმაციაშია აღნიშნული, სადაზღვევო პროდუქტების შეძენა დღეიდან ბანკის 20 ფილიალში უკვე შესაძლებელია და მომხმარებლებმა ბანკში იურიდიულ პირთა გაყიდვების კონსულტანტს, ან ბიზნეს ბანკირს უნდა მიმართონ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია