ბრიუსელში ნატო-საქართველოს კომისიის სხდომა მიმდინარეობს
ბრიუსელში, ნატო-ს შტაბ-ბინაში თავდაცვის მინისტერიალის ფარგლებში ნატო-საქართველოს კომისიის სხდომა დაიწყო. სხდომა ნატო-ს გენერალურმა მდივანმა იენს სტოლტენბერგმა გახსნა.
„ივლისის სამიტზე ნატო-ს წევრი ქვეყნების ლიდერები პრეზიდენტ მარგველაშვილს შეხვდნენ, რათა ნატო-საქართველოს კომისიის ათი წლისთავი აღენიშნათ. მათ აღიარეს საქართველოს ალიანსთან ურთიერთობების მასშტაბები და სიღრმე და კვლავ დაადასტურეს საქართველოს ნატო-ში გაწევრიანებისადმი მხარდაჭერა. დღევანდელი შეხვედრა შესაძლებლობას გვაძლევს განვიხილოთ ჩვენი თანამშრომლობის განვითარება, მათ შორის, ნატო-საქართველოს არსებითი პაკეტის იმპლემენტაცია და ნატო-საქართველოს წვრთნების სამზადისი, რომელიც მარტში გაიმართება. ჩვენ ასევე განვიხილავთ უსაფრთხოების სიტუაციას შავი ზღვის რეგიონში“, - განაცხადა იენს სტოლტენბერგმა.
მისასალმებელი სიტყვის შემდეგ ნატო-საქართველოს კომისიის სხდომა დახურულ კარს მიღმა გაგრძელდა.
v-if="article.gallery" v-html="article.gallery"
