„ევროპის რეკონსტრუქციისა და განვითარების ბანკის“ (EBRD) პრეზიდენტის სუმა ჩაკრაბარტის წინააღმდეგ გამოძიება მიმდინარეობს. ამის შესახებ სააგენტო „როიტერსი“ იუწყება.

მისივე ინფორმაციით, 29 მაისს, ბანკის ხელმძღვანელის წინააღმდეგ გამოძიების დაწყება საბანკო ზედამხედველობის განყოფილების უფროსისგან EBRD-ის რამდენიმე აქციონერმა სახელმწიფომ მოითხოვა.

„ყველაფერი იმაზე მიუთითებს, რომ პრეზიდენტი და აღმასრულებელი კომიტეტის წევრები დირექტორთა საბჭოს წევრებზე კონფიდენციალურ და პირად ინფორმაციას აგროვებენ“, - ნათქვამია მიმართვაში.

გავრცელებული ინფორმაციით, მიმართვას ანონიმურად დირექტორთა საბჭოს რამდენიმე წევრი და აქციონერი აწერს ხელს.