აშშ-ის სახელმწიფო მდივანი მაიკ პომპეო ვიზიტით ჩავიდა ფხენიანში, სადაც ჩრდილოეთ კორეის ლიდერთან კიმ ჩენ ინთან მოლაპარაკებებს გამართავს. არსებული ინფორმაციით, მხარეები კორეის ნახევარკუნძულის დენუკლეარიზაციის საკითხზე იმსჯელებენ.

აღსანიშნავია, რომ მაიკ პომპეო ფხენიანში ტოკიოდან ჩაფრინდა, სადაც ის იაპონიის პრემიერ-მინისტრს სინძო აბესა და იაპონიის საგარეო საქმეთა მინისტრს ტარო კონოს შეხვდა. ეს მაიკ პომპეოს ჩრდილოეთ კორეაში რიგით მეოთხე ვიზიტია. კიმ ჩენ ინთან შეხვედრის შემდეგ ის სამხრეთ კორეაში გაემგზავრება, სადაც სამხრეთ კორეის პრეზიდენტთან მუნ ჩჟე ინთან მოლაპარაკებებს გამართავს.

ჟურნალისტებთან საუბრისას მაიკ პომპეომ აღნიშნა, რომ ჩრდილოეთ კორეაში ვიზიტის შედეგად შეიძლება გამოცხადდეს დონალდ ტრამპისა და კიმ ჩენ ინის მეორე შეხვედრის ადგილი და თარიღი.