ბრაზილიის პარლამენტის ულტრამემარჯვენე დეპუტატი ჟაირ ბოლსონარუ და „მშრომელთა პარტიის“ კანდიდატი ფერნანდუ ადადი ბრაზილიის საპრეზიდენტო არჩევნების მეორე ტურში გავიდნენ.

აღნიშნულს ცხადყოფს ბრაზილიის უზენაესი საარჩევნო სასამართლოს მიერ გავრცელებული ოფიციალური მონაცემები. ამ მომენტისთვის ბიულეტენების 99%-ია დამუშავებული.

აღნიშნული მონაცემების შესაბამისად, ჟაირ ბოლსონარუმ ამომრჩეველთა ხმების 46,24% მიიღო, ხოლო ფერნანდუ ადადმა კი 28,99%.

ბრაზილიაში გუშინ საპრეზიდენტო, საპარლამენტო და გუბერნატორების საყოველთაო არჩევნები გაიმართა. საპრეზიდენტო არჩევნების მეორე ტური 28 ოქტომბერს გაიმართება.