თბილისის პროკურატურაში გამოკითხვაზე „ომეგას ჯგუფში" შემავალი „ბეემვეს ცენტრის" დირექტორის მოადგილე იმყოფება

„ომეგა ჯგუფის" საქმის გამოძიების ფარგლებში, თბილისის პროკურატურაში გამოკითხვაზე „ომეგას ჯგუფში" შემავალი „ბეემვეს ცენტრის" დირექტორის მოადგილე ალექსანდრე ხაჩიშვილი იმყოფება.

ალექსანდრე ხაჩიშვილმა გამოკითხვაზე შესვლამდე კიდევ ერთხელ გაიხსენა ბანკიდან თანხის გატანის საკითხი.

„ბანკში ვიყავი თანამშრომლებთან ერთად. მანქანაში იდო იარაღი. პერიმეტრზე იყვნენ სამოქალაქო ფორმაში ჩაცმული პირები. მე ვიცოდი, რომ ეს ფული მიდიოდა ჩვენი მშენებლობებისთვის. მე ასე ვიცოდი ბოლომდე, მაგრამ გარეთ რომ გავედი, სიტუაცია სხვანაირი იყო",- განაცხადა ხაჩიშვილმა.

ალექსანდრე ხაჩიშვილის თქმით, გამორიცხული არ არის, რომ მან, ისევე როგორც "ომეგას" საქმეზე გამოკითხულმა სხვა პირებმა, მოსამართლის თანდასწრებით გამოკითხვა მოითხოვოს.

შეგახსენებთ, რომ "ომეგა ჯგუფის" საქმესთან დაკავშირებით არაერთი აუდიოჩანაწერი გავრცელდა,რომელზეც პროკურატურამ გამოძიება 12 სექტემბერს, 180-ე მუხლის მესამე ნაწილის "ბ" ქვეპუნქტით დაიწყო, რაც სხვისი კუთვნილი დიდი ოდენობით ფულადი თანხის მოტყიებით დაუფლებას გულისხმობს.

როგორც პროკურატურაში აცხადებენ, 2018 წლის 4 ოქტომბერს ლევან სამხარაულის სახელობის ექსპერტიზის ეროვნულმა ბიურომ 2018 წლის 9; 11; 14 და 21 სექტემბერს მედიაში გასულ ჩანაწერებთან დაკავშირებით გასცა ვიდეო და ფონოსკოპიური ექსპერტიზის დასკვნა, რომლის თანახმადაც ისინი არ არის ავთენტიკური, დამზადებულია მონტაჟის გზით, ამავდროულად, ყველა ვიდეოჩანაწერი დამზადებულია წყვეტებით და მათზე მრავლობით აღინიშნება ციფრული და მექანიკური და მონტაჟის კვალი.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში