პროკურორი - სახელმწიფო ბრალდება ვარაუდობს, რომ თავისუფლებაზე ყოფნის შემთხვევაში გიორგი მერებაშვილი დათა ახალიას კავშირებს გამოიყენებს და მიიმალება

სახელმწიფო ბრალდება ვარაუდობს, რომ თავისუფლებაზე ყოფნის შემთხვევაში კუდ-ის ყოფილი მაღალჩინოსანი გიორგი მერებაშვილი კუდ-ის ყოფილი უფროსის დათა ახალიას კავშირებს გამოიყენებს და მიიმალება,- ამის შესახებ პროკურორმა დავით გუმბერიძემ ბრალდებულისთვის აღკვეთის ღობისძიების სახით პატიმრობის შეფარდების საკითხის დასაბუთებისას განაცხადა.

პროკურორის თქმით, ამ საქმესთან დაკავშირებით დაინტერესება თავად დათა ახალაიასაც აქვს, რადგან საქმეში მისი პასუხისმგებლობაც იკვეთება.

პროკურორმა ასევე განმარტა, რომ ახალაიას წინააღმდეგ არაერთი სისხლის სამართლის საქმე მიმდინარეობს და „ის წარმატებით არიდებს თავს უცხოეთში ყოფნით თავი აარიდოს მართლმსაჯულებას“.

რაც შეეხება დათა ახალაიას პასუხისმგებლობას, პროკურორის თქმით, ამ ეტაპზე სახელმწიფო ბრალდებას არ აქვს მის წინააღმდეგ შეკრებილი სათანადო მტკიცებულებათა სტანდარტი, რათა ბადრი პატარკაციშვილის მკვლელობის მომზადების ფაქტზე მის წინააღმდეგ სისხლის სამართლებრივი დევნა დაიწყოს.

საქართველოს პროკურატურის მიერ გახსნილია ბადრი პატარკაციშვილის მკვლელობის მომზადების ფაქტი, - ამის შესახებ პროკურატურაში დღეს გამართულ ბრიფინგზე განაცხადეს.

საქართველოს მთავარი პროკურატურის განცხადებით, სასამართლოს მიერ გაცემული განჩინების საფუძველზე, სამსახურებრივი უფლებამოსილების გადამეტების და დამამძიმებელ გარემოებებში ჩადენილი მკვლელობის მომზადების ფაქტზე, დაკავებულია კონსტიტუციური უსაფრთხოების დეპარტამენტის თბილისის მთავარი სამმართველოს მეორე სამმართველოს პირველი სამსახურის ყოფილი უფროსი გიორგი მერაბაშვილი, მეორე მთავარი სამმართველოს უფროსის ყოფილ მოადგილეს ლევან ქარდავას და ამავე სამმართველოს მეორე სამსახურის უფროსს რევაზ შიუკაშვილს კი წარედგინათ ბრალდებები.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს