დოდო გუგეშაშვილის განცხადებით, მისი შვილის მკვლელობისა და მასზე თავდასხმის საქმეზე მიმდინარე გამოძიებაში ჯერჯერობით წინსვლა არ არის

თადარიგის პოლკოვნიკის, დოდო გუგეშაშვილის განცხადებით, მისი შვილის მკვლელობისა და მასზე თავდასხმის საქმეზე მიმდინარე გამოძიებაში ჯერჯერობით წინსვლა არ არის.

მისივე თქმით, მომხდარზე საკუთარი დასკვნა ჯერჯერობით არც დამოუკიდებელ ექსპერტებს, მაია ნიკოლაიშვილსა და არც ზაზა ალთუნაშვილს დაუდიათ, რომლებიც საქმეში რამდენიმე კვირის წინ ჩაერთვნენ.

„ჯერჯერობით მუშაობენ და ძალიან მაღალი პროფესიონალიზმით გამოირჩევიან, როგორც ქალბატონი მაია ნიკოლაიშვილი, ისე ბატონი ზაზა ალთუნაშვილი. დარწმუნებული ვარ, რომ ძალიან მაღალი დონის კომპეტენტური დასკვნა დაიდება, რამაც შეიძლება, საქმე ოდნავ მაინც წინ წაწიოს. მიუხედავად იმისა, რომ გამოძიება თავგამოდებით მუშაობს, ჯერჯერობით, წინსვლა არ გვაქვს“, - აღნიშნა დოდო გუგეშაშვილმა.

შეგახსენებთ, რომ დოდო გუგეშაშვილსა და მის ვაჟზე შეიარაღებული თავდასხმა 7 თებერვალს მოხდა. დედა-შვილს საცხოვრებელ სახლში დაესხნენ თავს. ცეცხლსასროლი იარაღით მიყენებული ჭრილობის შედეგად დოდო გუგეშაშვილი გულ-მკერდის არეში დაიჭრა, ხოლო მისი შვილი ნოდარ გუგეშაშვილი გარდაიცვალა. მომხდართან დაკავშირებით თავდამსხმელი პოლიციას ჯერჯერობით არ დაუკავებია.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა