ჩემი და სხვისი თავისუფლება არ დაითმობა, - ამის შესახებ ჟურნალისტებს ლევან გაჩეჩილაძემ რუსთაველის თეატრში განუცხადა, სადაც ამ წუთებში საზოგადოების ნაწილი 2007 წლის 7 ნოემბრის მოვლენების გასაპროტესტებლად იკრიბება.

ღონისძიების ორგანიზატორია საზოგადოება "მე ვიცავ თავისუფლებას".

ლევან გაჩეჩილაძის თქმით, ის დღევანდელ ღონისძიებაზე სწორედ თავისუფლების დასაცავად მივიდა.

„მოსული ვარ თქვენი თავისუფლებისთვის. არც ერთი დღე, ჩემი მეგობრების, თანამოაზრეების და ჩემი ბრძოლის არ ყოფილა ისე, რომ ძალადობის წინააღმდეგ დიდი ძალისხმევა არ ყოფილიყო. არაფერი არ ღირს ამ ქვეყანაზე, რომ დათმობილ იქნას ჩემი, სხვისი თავისუფლება და განასაკუთრებით, ჩემი საქართველოს თავისუფლება. ჩემი და სხვისი თავისუფლება არ დაითმობა. ამიტომაც, მოვედი აქ. 7 ნოემბერთან დაკავშირებით 1200 ინტერვიუ მაქვს მიცემული“, - განაცხადა გაჩეჩილაძემ.