საპარლამენტო ფრაქცია „ქართული ოცნების“ წევრები ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდნენ

საპარლამენტო ფრაქცია „ქართული ოცნების“ წევრები თამარ ხულორდავა, არჩილ თალაკვაძე და დიმიტრი ცქიტიშვილი ევროპის საბჭოს საპარლამენტო ასამბლეის მონიტორინგის კომიტეტის წევრებს შეხვდნენ.

პარლამენტის პრესსამსახურის ინფორმაციით, შეხვედრაზე საქართველოში მიმდინარე დემოკრატიული რეფორმების შესახებ ისაუბრეს. ყურადღება დაეთმო ასევე საარჩევნო გარემოს, პარლამენტის ინსტიტუციურ რეფორმას, მათ შორის, პარლამენტის საზედამხედველო როლის გაძლიერების, სასამართლო და საკონსტიტუციო რეფორმის საკითხებს.

„ჩვენ გვაქვს ძალიან ამბიციური გეგმები საქართველოს დემოკრატიულ განვითარებასთან და ევროპულ ინტეგრაციასთან დაკავშირებით. ყველა ჩვენი ევროპელი პარტნიორის შეფასება არის ძალიან საინტერესო და მნიშვნელოვანი. შეხვედრისას ვისაუბრეთ საარჩევნო გარემოსთან დაკავშირებით, რაც იყო ჩვენი სტუმრების ინტერესის საგანი. ასევე, ვისაუბრეთ საკონსტიტუციო რეფორმაზე. განსაკუთრებული ყურადღება გამახვილდა იმაზე, თუ როგორ ასრულებს პარლამენტი თავის როლს, რამდენად არის მზად და მოწოდების სიმაღლეზე, რამდენად კარგად ვახორციელებთ საპარლამენტო ზედამხედველობის ფუნქციას. ჩვენი საუბარი ამ მხრივ მიმდინარე და დაგეგმილ რეფორმებს შეეხო. მონიტორინგის კომიტეტის წევრებს ჩვენ შესაბამისი ინფორმაცია მივაწოდეთ“, - განაცხადა შეხვედრის დასრულების შემდეგ ევროპასთან ინტეგრაციის კომიტეტის თავმჯდომარემ თამარ ხულორდავამ.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)