ზაქარია ქუცნაშვილი - „ნაცმოძრაობა“ და „ევროპული საქართველო“ უსირცხვილოდ ეფერება ერთმანეთს „ზაპაროჟეცებისა“ და ჟანგიანი ადამიანების ძახილის შემდეგ
გული იმაზე მწყდება, რომ მოსაზრება იმის შესახებ, თითქოს „ნაციონალური მოძრაობის“ ორ ნაწილად გაყოფა ორივე ფრთას დაასუსტებდა, მცდარი აღმოჩნდა, - ამის შესახებ ჟურნალისტებს „ქართული ოცნების“ დეპუტატმა ზაქარია ქუცნაშვილმა განუცხადა.
ქუცნაშვილის შეფასებით „ნაციონალური მოძრაობისა“ და „ევროპული საქართველოს“ წარმომადგენლები საზოგადოებასთან გულწრფელი არასდროს იყვნენ და ყოველთვის კონიუნქტურული მოსაზრებებით ხელმძღვანელობდნენ.
„მათი რიტორიკა, რაც იყო 7 ნოემბრამდე, იგივეა 7 ნოემბრის შემდეგ, რა რიტორიკაც ჰქონდათ ხელისუფლებაში ყოფნის დროს, იგივე რიტორიკა აქვთ ოპოზიციაში. დღეს მოხდა ის, რაც უნდა მომხდარიყო – დაუბრუნდნენ საერთო ოჯახს და ახლა უსირცხვილოდ ეფერებიან ერთმანეთს „ზაპაროჟეცებისა“ და ჟანგიანი ადამიანების ძახილის შემდეგ“, - აღნიშნა ქუცნაშვილმა ჟურნალისტებთან საუბრისას.
