„ქართული ოცნების" ოფისში საპრეზიდენტო არჩევნების მეორე ტურთან დაკავშირებით კონსულტაციები მიმდინარეობს.

როგორც უმრავლესობის დეპუტატმა დიმიტრი ცქიტიშვილმა განაცხადა, სხვადასხვა საკითხების განხილვა მიმდინარეობს იმისთვის, რომ მმართველი გუნდი უფრო მეტად იყოს მზად მეორე ტურისთვის.

„სამუშაო შეხვედრებია, ბუნებრივია, შტაბის რეჟიმში მუშაობს პარტია. სამუშაო შეხვედრებია, განიხილება სხვადასხვა საკითხი იმისთვის, რომ უფრო მეტი მობილიზება მოხდეს, რესურსების, ძალების, რომ უფრო მზად ვიყოთ მეორე ტურისთვის", - განაცხადა ცქიტიშვილმა.