დონეცკისა და ლუგანსკის თვითგამოცხადებულ რესპუბლიკებში ე.წ. არჩევნები მიმდინარეობს. არჩევნების ფარგლებში დონეცკისა და ლუგანსკის თვითგამოცხადებულ რესპუბლიკებში ე.წ. სახალხო საბჭოს დეპუტატებსა და ე.წ. რესპუბლიკის ხელმძღვანელს ირჩევენ.

უკრაინის საგარეო საქმეთა მინისტრმა პავლო კლიმკინმა განაცხადა, რომ ე.წ. არჩევნები არალეგიტიმურია და სანქციების გამოყენებით დაიმუქრა. „რა თქმა უნდა დანაშაულისთვის დასჯა იქნება, სანქციების სახით. ჩვენს პარტნიორებთან ერთად ვმუშაობთ ამაზე“, - აღნიშნა უკრაინის საგარეო საქმეთა მინისტრმა.

აღსანიშნავია, რომ უკრაინის უშიშროების სამსახურმა სისხლის სამართლის საქმე აღძრა „დროებით ოკუპირებულ ტერიტორიებზე არაკანონიერი არჩევნების ორგანიზებასთან დაკავშირებით“. ოფიციალური კიევი მიიჩნევს, რომ არჩევნების ჩატარება არაკანონიერია და დასჯადია უკრაინის კანონმდებლობის შესაბამისად.