„ქართული ოცნების“ ოფისთან პანკისელების აქცია მიმდინარეობს

„ქართული ოცნების“ ოფისთან პანკისელების აქცია მიმდინარეობს. აქციის მონაწილეების მთავარი მოთხოვნაა, დაისაჯონ პანკისის ხეობაში ჩატარებულ სპეცოპერაციაზე პასუხისმგებელი პირები, კერძოდ, სახელმწიფო უსაფრთხოების სამსახურის ერთ-ერთი ყოფილი ხელმძღვანელი იოსებ გოგაშვილი, ასევე სუს-ის სხვა მაღალჩინოსნები.

აქციის მონაწილეები სიტყვით გამოსვლისას მიმართავენ „ქართული ოცნების“ წევრებს, ასევე პირადად იოსებ გოგაშვილს, „აგონ ჩადენილი ქმედებებისთვის პასუხი“. გოგაშვილის მისამართით აქციის მონაწილეების მხრიდან ისმის შეურაცხმყოფელი გამონათქვამები.

აქციის მონაწილეებს სიტყვით მიმართეს თემირლან მაჩალიკაშვილის მშობლებმა, ასევე პანკისის ხეობის სხვა მკვიდრებმა. დამნაშავე პირების დასჯა მოითხოვა ხორავას ქუჩაზე მოკლული დავით სარალიძის მამამ ზაზა სარალიძემაც, რომელიც საპროტესტო აქციაში მონაწილეობს.

პარტიის ოფისთან მობილიზებულია სამართალდამცველები. მათ ოფისის შენობასთან უსაფრთხოების მიზნით გაკეთებული აქვთ ცოცხალი ჯაჭვი.

საპროტესტო აქცია ექსცესების გარეშე მიმდინარეობს.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)