აშშ-ს პრეზიდენტმა დონალდ ტრამპმა საფრანგეთის პრეზიდენტის, ემანუელ მაკრონის დაბალი რეიტინგი ახსენა.
„პრობლემა ის არის, რომ ემანუელს ძალიან დაბალი რეიტინგი აქვს საფრანგეთში, 26%, ხოლო უმუშევრობის დონე კი თითქმის 10%. მაკრონი უბრალოდ ცდილობდა სხვა თემაზე გადასვლას. სხვათაშორის, საფრანგეთზე უფრო ნაციონალისტური ქვეყანა არ არსებობს, ძალიან ამაყი ხალხია და ამის საფუძველი აქვთ. გავხადოთ საფრანგეთი კვლავ დიადი“, - დაწერა ტრამპმა „ტვიტერის“ საკუთარ გვერდზე.
აშშ-ს პრეზიდენტმა ასევე აღნიშნა, რომ მაღალი გადასახადების გამო ამერიკული ღვინოს საფრანგეთში გასაღება ვერ ხერხდება.
„რაც შეეხება ვაჭრობას, საფრანგეთი მშვენიერ ღვინოს ამზადებს, თუმცა მშვენიერი ღვინო აშშ-შიც მზადდება. პრობლემა ის არის, რომ საფრანგეთი აჭინაურებს ამერიკული ღვინოს საფრანგეთში გაყიდვას და დიდ გადასახადებს აწესებს. აშშ კი ეხმარება ფრანგულ ღვინოებს და ძალიან მცირე გადასახადებს აწესებს. ეს უსამართლოა. ეს უნდა შეიცვალოს“, - დასძინა მან.