საერთაშორისო სამართლის ექსპერტის, ანა დოლიძის განცხადებით, პოლიტოლოგ გია ხუხაშვილს მისთვის ახალი პოლიტიკური ძალის შექმნაში ჩართვა არ შეუთავაზებია და მსგავს შემოთავაზებას არც ელოდება. ამის შესახებ ანა დოლიძემ „პალიტრანიუსის“ გადაცემა „360 გრადუსში“ ჟურნალისტის შეკითხვის პასუხად განაცხადა, ხომ არ აპირებს გია ხუხაშვილთან ერთად პოლიტიკურ პროცესებში ჩართვას.

„მე გია ხუხაშვილმა არაფერი არ შემოთავაზა. არავის შემოთავაზებას არ ველოდები. ამ პროცესებში ვარ 2004 წლიდან. არ გამჭირვებია ამ პროცესებში მარტოს ყოფნა. მე ჩემს საქმეს დღესაც ვაკეთებ, მოგეხსენებათ, 2004 წლიდან ვაკეთებ და ყოველთვის გავაკეთებ. კონკრეტულ კონფიგურაციებს, საბრძოლო მასალასა და საქმეს მომავალი გვიჩვენებს“, - აღნიშნა ანა დოლიძემ.