ხელოვნური აჟიოტაჟი არანაირ შედეგს არ გამოიღებს, - ამის შესახებ "ქართული ოცნების" წევრმა დიმიტრი ცქიტიშვილმა ბათუმში ჟურნალისტებთან საუბრისას განაცხადა.

მისი განმარტებით, საარჩევნო დარღვევებთან დაკავშირებით გაერთიანებულ ოპოზიციას კონკრეტული ფაქტები არ აქვს და არჩევნები აჭარაში მშვიდ ვითარებაში მიმდინარეობს.

"მიზანმიმართულად ბევრი რაღაცის სპეკულირება ხდება. ჩანაწერი ვნახე და მკაფიოდ არაფერი ჩანს, რომ კონკრეტულზე ვისაუბროთ. თუ რაიმე დარღვევა იქნება, ყველაფრის შესწავლა და რეაგირება მოხდება. თითქოს აჟიოტაჟის მოლოდინია ეს მათი დღის წესრიგია. ჩვენ ვაკვირდებით პროცესებს და არჩევნები მშვიდ ვითარებაში, დარღვევების გარეშე მიმდინარეობს, რაც მნიშვნელოვანია. ხელოვნური აჟიოტაჟი არანაირ შედეგს არ გამოიწვევს",- განაცხადა დიმიტრი ცქიტიშვილმა.