დღეს, 5 დეკემბერს 11:00 სთ-ზე, გორის სახელმწიფო სასწავლო უნივერსიტეტის ტერიტორიაზე ზაზა ფაჩულიას სახელობის რიგით მეორე საკალათბურთო მოედნის მშენებლობას ჩაეყარა საფუძველი. საკალათბურთო მოედანი ნავთობკომპანია „გალფის“ ორგანიზებითა და დაფინანსებით, ასევე შიდა ქართლის სამხარეო ადმინისტრაციის მხარდაჭერით შენდება.

მოედანი აღიჭურვება თანამედროვე, პროფესიონალური საფარით საერთაშორისო სტანდარტების შესაბამისად.

შეხვედრაზე ასევე, ხელი მოეწერა ოთხმხრივ მემორანდუმს, შიდა ქართლის სამხარეო ადმინისტრაციის, გორის მუნიციპალიტეტის მერიის, გორის სახელწიფო სასწავლო უნივერსიტეტსა და გალფს შორის. ღონისძიებას დაესწრო შიდა ქართლის გუბერნატორი გიორგი ხოჯევანიშვილი, გორის მერი კონსტანტინე თავზარაშვილი და კომპანია ,,გალფის" წარმომადგენლები.

როგორც გუბერნატორმა განაცხადა, ეს არის საჯარო და კერძო სექტორის თანამშრომლობის ძალიან კარგი მაგალითი.

ზაზა ფაჩულიას სახელობის საკალათბურთო მოედანი 2019 წლის გაზაფხულზე გაიხსნება.

(R)