ორფოლოს პოლიგონზე დაღუპული ჯარისკაცის, მირზა ჩაჩუას ოჯახი პრემიერს მიმართავს

ორფოლოს პოლიგონზე დაღუპული 31 წლის ჯარისკაცის მირზა ჩაჩუას ოჯახი იმერეთის გუბერნატორს უყურადღებობაში ადანაშაულებს. შვილმკვდარი მამის გია ჩაჩუას განცხადებით, ორ კვირაზე მეტია შავლეგო ტაბატაძეს, როგორც გენერალს, შეხვედრას სთხოვს, თუმცა უშედეგოდ. სამხედროს მამა ირწმუნება, რომ მისი შვილი საეჭვო ვითარებაშია გარდაცვლილი, თავდაცვის სამინისტროს კი საქმის ობიექტური გამოძიება არ სურს.

„ორი კვირის წინ ვთხოვე დახმარება იმერეთის გუბერნატორს, მაგრამ უშედეგოდ. ნუთუ ვერ ნახა დრო, რომ შვილმკვდარ მამას შეხვედროდა და გაეგო რას ვითხოვთ. ვფიქრობ, რომ ჩემი შვილი მოკლულია", - განაცხადა გია ჩაჩუამ.

მირზა ჩაჩუას ოჯახი დახმარებას ახლა უკვე პრემიერ-მინისტრს სთხოვს.

ადვოკატ ლედი ტუკვაძის განცხადებით, არ სურდათ თემის არჩევნებამდე გაჟღერება, რომ მას პოლიტიკური ხასიათი არ მისცემოდა, თუმცა არჩევნების შემდეგაც არ მოხდა შეხვედრა.

იმერეთის გუბერნატორის ადმინისტრაციაში კი აცხადებენ, რომ მათთან განცხადებით მიმართვა არ მომხდარა. ამასთან დაკავშირებით კი ადვოკატი აღნიშნავს, რომ შეხვედრის შესახებ მოთხოვნა მედიით გავრცელდა და გუბერნია უნდა დაინტერესებულიყო ამ მიმართვით.

შეგახსენებთ, 31 წლის მირზა ჩაჩუა, რომელიც სამტრედიის მუნიციპალიტეტის მკვიდრია, მიმდინარე წლის 9 ივლისს ახალციხის პოლიგონზე გარდაიცვალა. ოფიციალური ინფორმაციით, ჯარისკაცის გარდაცვალების მიზეზი ალკოჰოლი გახდა. გარდაცვლილის ოჯახი ექსპერტიზის დასკვნას არ ენდობა. მათი თქმით, მირზა ჩაჩუა, რომელიც ჯარში 11 წლის განმავლობაში მსახურობდა, ალკოჰოლურ სასმელს არ სვამდა. მათივე თქმით, თავდაცვის უწყებამ დასკვნა გააყალბა, რათა გარდაცვლილის ოჯახისათვის კომპენსაცია არ მიეცათ.

იხილეთ ვიდეო: ორფოლოს პოლიგონზე დაღუპული ჯარისკაცის, მირზა ჩაჩუას ოჯახი პრემიერს მიმართავს

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ