მთავარმა პროკურატურამ სტუდენტებს უმასპინძლა

საქართველოს მთავარ პროკურატურაში საზღვარზე მიგრანტის უკანონო გადაყვანისა და ფარული საგამოძიებო მოქმედებების თემაზე სტუდენტებისთვის სემინარი გაიმართა.

როგორც „ინტერპრესნიუსს“ საქართველოს პროკურატურიდან აცნობეს, შეხვედრა ინტერაქტიულ რეჟიმში წარიმართა. მონაწილეები აქტიურად პრაქტიკულ სავარჯიშოებში ჩაერთნენ და მათთვის აქტუალურ საკითხებზე მოსაზრებები გამოთქვეს. პროექტი ილიას სახელმწიფო უნივერსიტეტის სტუდენტური კლუბის (E Pluribus Unum) მომართვის საფუძველზე განხორციელდა და მას 50-მდე სტუდენტი ესწრებოდა.

პროკურატურის განცხადებით, სემინარის ფარგლებში მონაწილეები გაეცნენ ისეთ მნიშვნელოვან საკითხებს, როგორიცაა: საქართველოს სახელმწიფო საზღვრის უკანონოდ გადაკვეთა, სახელმწიფო საზღვარზე მიგრანტის უკანონოდ გადაყვანა, ოკუპირებულ ტერიტორიებზე შესვლის წესის დარღვევა. ასევე, განიხილეს ფარული საგამოძიებო მოქმედებების სახეები, ვადები, შეწყვეტისა და შეჩერების საფუძვლები, მოპოვებული მასალის განადგურების წესი. სტუდენტები აქტიურად ჩაერთნენ განხორციელებულ პრაქტიკულ სავარჯიშოებში, იმუშავეს გუნდურად და იმსჯელეს მომხსენებლების მიერ შეთავაზებულ კაზუსებზე.

„ახალგაზრდების განვითარების ხელშეწყობა და სამართლებრივი ცნობიერების ამაღლება საქართველოს პროკურატურის ერთ-ერთი მთავარი პრიორიტეტია. ამ მიმართულებით პროკურატურა აქტიურად თანამშრომლობს სხვადასხვა უმაღლეს სასწავლებლებსა და სტუდენტურ ორგანიზაციებთან. სისტემის მხრიდან, ახალგაზრდების სამართლებრივი ცნობიერების ამაღლებაზე ზრუნვა და მიზნობრივი პროექტების განხორციელება მომავალშიც აქტიურად გაგრძელდება“, – აცხადებენ პროკურატურაში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა