10 დეკემბერს, საპარლამენტო უმრავლესობის სხდომის გამართვა იგეგმება. პარლამენტის ვიცე-სპიკერის გია ვოლსკის ინფორმაციით, უმრავლესობის შეხვედრაზე განხილვის მთავარი თემა საბიუჯეტო პროცესთან დაკავშირებული საკითხები იქნება.
ამასთან, ვოლსკის ცნობით, საბიუჯეტო პროცესსა და წლის ბოლომდე პარლამენტის მიერ განსახილველ საკანონმდებლო ინიციატივებთან დაკავშირებით, გუშინ, პარტიის ოფისში პრემიერ-მინისტრის, პარლამენტის თავმჯდომარისა და დეპუტატთა ჯგუფის მონაწილეობით სამუშაო შეხვედრა გაიმართა.
პარლამენტმა დეკემბრის მესამე პარასკევამდე დარჩენილ დროში 2019 წლის ბიუჯეტი უნდა დაამტკიცოს. გარდა ამისა, მთავრობის მიერ ინიცირებულია მიმდინარე წლის ბიუჯეტში შესატანი ცვლილებები.