გარემოს დაცვისა და სოფლის მეურნეობის მინისტრის მოადგილე - ამ მოკლე პერიოდში მიწების გადაფორმება რელევანტური არ იქნება
გარემოს დაცვისა და სოფლის მეურნეობის მინისტრის მოადგილის გელა ხანიშვილის ინფორმაციით, სასოფლო-სამეურნეო მიწების ყიდვა-გაყიდვასთან დაკავშირებულ რეგულაციებს სოფლის მეურნეობაში ბიზნესით დასაქმებული ადამიანებისთვის გავლენა არ მოუხდენია.
როგორც ხანიშვილმა ჟურნალისტებთან საუბრისას აღნიშნა, საკონსტიტუციო სასამართლოს გადაწყვეტილება მიწების უცხოელებზე გაყიდვის მორატორიუმის გაუქმებასთან დაკავშირებით იურიდიულ ძალას 5 დღეში დაკარგავს და საკითხი ახალი კონსტიტუციის შესაბამისად დარეგულირდება.
„ამ მოკლე პერიოდში მიწების გადაფორმება რელევანტური არ იქნება. საქართველოს მოსახლეობას კარგად აქვს გაცნობიერებული, რომ სასოფლო-სამეურნეო მიწების ყიდვა-გაყიდვის საკითხი არ არის გადამწყვეტი სოფლის მეურნეობაში ბიზნესით დასაქმებული ადამიანებისთვის. ის, ვინც ამ ბიზნესით არის დაკავებული, საკუთარ საქმიანობას თავისუფლად ახორციელებს, ხოლო ვისაც ყიდვა-გაყიდვა აინტერესებს, სწორია ის აკრძალვა, რაც იყო დაწესებული“, - აღნიშნა ჟურნალისტებთან საუბრისას გელა ხანიშვილმა.
v-if="article.gallery" v-html="article.gallery"
