ბარნოვის ქუჩაზე მოკლული თამარ გამრეკელაშვილის საქმის პროკურორი -  იმდენი მტკიცებულებები გვქონდა წარდგენილი, რაც საკმარისი იყო გამამტყუნებელი განაჩენის გამოსატანად

ბრალდების მხარეს იმდენი მტკიცებულებები ჰქონდა წარდგენილი, რაც საკმარისი იყო გამამტყუნებელი განაჩენის გამოსატანად, - აღნიშნულის შესახებ ჟურნალისტებს 25 წლის თამარ გამრეკელაშვილის საქმის პროკურორმა, გია შაიშმელაშვილმა განუცხადა.

„დღევანდელ სასამართლო სხდომაზე დასრულდა პროცესი, რომელიც უკანასკნელი თვეების განმავლობაში მიმდინარეობდა. საქმე შეეხებოდა ვეფხია ბაქრაძის მხრიდან თამარ გამრეკელაშვილის განზრახ მკვლელობას განსაკუთრებული სისასტიკით, მის მიერ ჩადენილ სხვადასხვა სახის დანაშაულებრივ ქმედებებს.

ვეფხია ბაქრაძე სასამართლომ დამნაშავედ სცნო სსკ-ის 109-ე მუხლის მეასამე ნაწილის "ბ" ქვეპუნქტით, რაც გულისხმობს განზრახ მკვლელობას განსაკუთრებული სისასტიკით ოჯახის წევრის მიმართ. მას განესაზღვრა თავისუფლების აღკვეთა უვადოდ. ბრალდების მხარეს იმდენი მტკიცებულებები ჰქონდა წარდგენილი, რაც საკმარისი იყო გამამტყუნებელი განაჩენის გამოსატანად. რაც შეეხება სასჯელის ზომას, სასამართლომ სრულიად სამართლიანად გაიზიარა ბრალდებულის პიროვნება, ასევე მის მიერ ჩადენილი ქმედების მოტივი და ხასიათი. შესაბამისად, მკაცრი სასჯელიც ამის გამოა განპირობებული", - განაცხადა შაიშმელაშვილმა.

ამ საქმეზე დაკავებულ კიდევ ერთ პირს - თეიმურაზ ბაქრაძეს, რომელიც ვეფხია ბაქრაძის ბიძაშვილია 2 წლით თავისუფლების აღკვეთა შეეფარდა.

"თიმურაზ ბაქრაძე ცნობილ იქნა განსაკუთრებით მძიმე კატეგორიის დანაშაულის შეუტყობინებლობაში და შესაბამისად, მის მიმართაც სასჯელი ადეკვატურია", - აცხადებს შაიშმელაშვილი.

თბილისის საქალაქო სასამართლომ ბარნოვზე 25 წლის თამარ გამრეკელაშვილის მკვლელობაში ბრალდებულს უვადო თავისუფლების აღკვეთა შეუფარდა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის