ლევან დავითაშვილი - პურის ფასის ზრდა ხელისუფლების მხრიდან დაწესებულ რაიმე  რეგულაციას არ გამოუწვევია

პურის ფასის ზრდა ხელისუფლების მხრიდან დაწესებულ რაიმე რეგულაციას არ გამოუწვევია, - ამის შესახებ საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა ჟურნალისტებს მთავრობის სხდომის დასრულების შემდეგ განუცხადა.

დავითაშვილის თქმით, რა გახდა პურის ფასის ზრდის მიზეზი, ამას შესაბამისი უწყებები მოიკვლევენ.

„მიუხედავად იმისა, რომ ყოველ კუთხეში შეიძლება იყოს თონე, მაინც კონცენტრირებულია ბაზარი და რამდენიმე მოთამაშე ფარავს ბაზრის დიდ პროცენტს. პრემიერის განცხადება ყველამ იხილეთ, მან გასცა ბრძანება და შესაბამისი სტრუქტურები გააკეთებენ ანალიზს, რამდენად ადეკვატურია ის გაზრდილი ფასები იმ რეალობის, რაც დღეს ჩვენ გვაქვს. წელს მსოფლიოში ხორბლის შედარებით ნაკლები მოსავალია, 2017 წელთან შედარებით გარკვეული კლიმატური პირობების გამო. ძირითად ექსპორტიორ ქვეყნებში შემცირებული იყო ხორბლის საექსპორტო შესაძლებლობები და წელს ხორბალი გაცილებით ძვირი ღირს, ვიდრე 2017 წელს. თუმცა, ფასები, რომელიც დღეს ჩვენ გვაქვს ფქვილზე, რამდენად ადეკვატურია იმ საკმაოდ დიდი ზრდისთვის, ეს ბადებს კითხვებს“, - განაცხადა დავითაშვილმა.

გარდა ამისა, დავითაშვილმა აღნიშნა, რომ პურის ფასის ზრდა ხელისუფლების მხრიდან დაწესებულ რაიმე რეგულაციას არ გამოუწვევია.

„ასევე იყო პურს მწარმოებლების მხრიდან განცხადება, რომ გარკვეული რეგულაცია შეიძლება გავლენას ახდენდეს პურის ფასის ზრდაზე, ეს აბსოლუტურად უსაფუძვლოა, რადგან ახალი რეგულაცია ამასთან დაკავშირებით არ მიგვიღია. რაც შეეხება რეგულაციებს, რომელიც სურსათის ეტიკეტირებას გულისხმობს, თუმცა არ გულისხმობს აუცილებელ პირობად შეფუთვას, ამას რაიმე დამატებითი წნეხი არ გამოუწვევია სახელმწიფოს მხრიდან. აქედან გამომდინარე, ჩვენთვის მნიშვნელოვანია, რომ ისეთ მგრძნობიარე საკითხს, როგორიც პურის ფასია, ადეკვატური პასუხი გაეცეს იმ უწყებების მხრიდან, რომელიც ამ პროცესში იქნებიან ჩართული“, - განაცხადა დავითაშვილმა.

მინისტრის განცხადებით, ხელისუფლებას წინასაარჩევნო პერიოდში პურის ფასის ზრდა ხელოვნურად არ შეუჩერებია.

„როგორ უნდა შეგვეჩერებინა?! მაშინ ახლაც შევაჩერებდით. ასეთი რამ არ ყოფილა. ეს ყოველგვარ საფუძველს მოკლებულია“, - განაცხადა დავითაშვილმა.

იხილეთ ვიდეო: მთავრობა: "პურის ფასის ზრდა ხელისუფლების მხრიდან დაწესებულ რაიმე რეგულაციას არ გამოუწვევია"

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა