სალომე ზურაბიშვილი სწორ გადაწყვეტილებას იღებს, რომ ათონელის რეზიდენციაში შედის, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ განაცხადა.
„სალომე ზურაბიშვილი სწორად იღებს გადაწყვეტილებას, რომ ათონელის რეზიდენციაში შედის. წინა რეზიდენცია გიორგი მარგველაშვილის დროსაც არ უნდა ყოფილიყო გამოყენებული პრეზიდენტის რეზიდენციად. არ არის სწორი, როცა პრეზიდენტის უფლებამოსილებები არ არის პროპორციული იმ სასახლესთან, რომელშიც ის ცხოვრობს. ამიტომ აბსოლუტურად სწორი გადაწყვეტილებაა, რომ სალომე ზურაბიშვილი შედის ახალ რეზიდენციაში", - განაცხადა სოფო კილაძემ.
რაც შეეხება ავლაბრის რეზიდენციას, კილაძის თქმით, აღნიშნული შენობა ერის ინტერესების შესაბამისად იქნება გამოყენებული.
"არ არის სწორი, რომ ამხელა სასახლე მხოლოდ ერთი ადამიანისთვის იყოს გამოყენებული. შეგვიძლია გაცილებით დადებითი მიზნებისთვის გამოვიყენოთ", - განაცხადა კილაძემ.