სოფიო ქაცარავა -  ინაუგურაციის ღონისძიებაში მონაწილეობას ადასტურებს ნიკა მელია, იმედს გამოვთქვამთ, რომ არ მოაწყობს პროვოკაციას

„ნაციონალური მოძრაობის“ კონსტიტუციური უფლება აზრის და პროტესტის საჯაროდ გამოხატვასთან დაკავშირებით დაცული იქნება, თუმცა არა სხვების უფლების შეზღუდვის ან კანონის დარღვევის ხარჯზე, - ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ, სოფიო ქაცარავამ პარტია „ქართული ოცნება- დემოკრატიული საქართველოს“ ცენტრალურ ოფისში გამართულ ბრიფინგზე განაცხადა.

ქაცარავამ იმედი გამოთქვა, რომ საქართველოს მეხუთე პრეზიდენტის ინაუგურაციის ღონისძიებაზე პროვოკაციისგან თავს შეიკავებს „ნაციონალური მოძრაობიდან“ ნიკა მელია, რომელიც ცერემონიაზე დასწრებას გეგმავს.

„სამწუხაროდ, „ნაციონალური მოძრაობა“ ვერ აცნობიერებს დღევანდელი დღის მნიშვნელობას და დღეს დააანონსეს მათ საპროტესტო აქცია, მათ შორის ქალაქ თელავშიც. ჩვენ ვცხოვრობთ დემოკრატიულ ქვეყანაში და განსხვავებული აზრის და პროტესტის საჯაროდ გამოხატვა მათი კონსტიტუციური უფლებაა. ამ შემთხვევაშიც მათი ეს უფლება დაცული იქნება თუმცა, არა სხვების უფლების შეზღუდვის ან კანონის დარღვევის ხარჯზე. ამიტომ მინდა მოვუწოდო ყველას, თავი შეიკავონ ნებისმიერი პროვოკაციისგან.

პრეზიდენტის ინაუგურაცია არა რომელიმე პარტიის, არამედ, მთელი ქვეყნისთვის უმნიშვნელოვანესი დღეა, შესაბამისად, ინაუგურაციის ცერემონიაზე დასასწრებად მოწვეული არიან ოპოზიციის წარმომადგენლებიც. ამ დროისთვის, ჩვენი ინფორმაციით, ღონისძიებაში მონაწილეობას ადასტურებს „ნაციონალური მოძრაობის“ ერთი წევრი, ნიკა მელია. იმედს გამოვთქვამ, რომ ქვეყნისთვის ასეთ მნიშვნელოვან დღეს მაინც მოახერხებს გადაუხვიოს მისთვის ჩვეულ წესს, არ მოაწყოს პროვოკაცია და საჭირო არ გახდეს სამართალდამცავი ორგანოების ჩარევა. ეს ჩვენი საზოგადოების და ქვეყნის ინტერესებშია. აქვე აღვნიშნავ, რომ ჩვენი სამართალდამცავი უწყებები კანონის სრული დაცვით ყველაფერს გააკეთებენ, რომ დღევანდელმა დღემ მშვიდ ვითარებაში ჩაიაროს“, - განაცხადა სოფიო ქაცარავამ.

გიორგი ბილანიშვილი - ის, რაც ახლა საქართველოში ხდება, ერთმნიშვნელოვნად მოსკოვის ინტერესებში შედის
გიგი გიგიაძე - ხელისუფლება ვერ ახერხებს რუსულ კანონზე აბსოლუტური უმრავლესობის აზრის შეცვლას, დღითიდღე ფერები იცვლება და სულ უფრო მეტად ხდება ყველაფერი შავ-თეთრი
ქართული პრესის მიმოხილვა 02.05.2024
სილქნეტი „დაჭრილ მებრძოლთა თანადგომის ფონდის“ საქმიანობის ანგარიშს აქვეყნებს
კახა ოქრიაშვილი - იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე
GM PHARMA ტექნოლოგიურ განვითარებას აგრძელებს
ვებრძოლოთ სისუსტეს და ადვილად დაღლას - შევმატოთ ორგანიზმს სასიცოცხლო ენერგია
საქნახშირის მოპოვების მაჩვენებელმა ჯამში 1 000 000 ტონას მიაღწია