„არა კონსტიტუცია, არა კანონმდებლობა, არა პოლიცია, არა პროკურატურა, არა სასამართლო. გახარია კიბატონო, ფარცხალაძე კიბატონო, ენზელ მკოიანები კიბატონო,“ - ამის შესახებ „ნაციონალური მოძრაობის“ წევრმა ნიკა მელიამ ველისციხეში განაცხადა, სადაც სამართალდამცველები ოპოზიციის კოლონას თელავის მიმართულებით არ უშვებს. ნიკა მელიას განცხადებით, პოლიცია აქციის მონაწილეებს ფეხით გზის გაგრძელებას სთავაზობს, თუმცა მისივე თქმით, თელავამდე კიდევ რამდენიმე ათეული კილომეტრია დარჩენილი.

„ეს სახელმწიფო აღარ არის. არა კონსტიტუცია, არა კანონმდებლობა, არა პოლიცია, არა პროკურატურა, არა სასამართლო. გახარია კიბატონო, ფარცხალაძე კიბატონო, ენზელ მკოიანები კიბატონო. სახელმწიფო - არა. ყველამ ვიცით ხალხო, რომ ამ არჩევნებზე ძალადობასთან ერთად ტოტალური გაყალბება იყო. კაცი დაგვიჭრეს - არანაირი რეაგირება; ხალხი გაგვილახეს ახალქალაქში - არაფერი რეაგირება; არჩევნების გამყალბებლები იდენტიფიცირებულნი არიან - არაფერი რეაგირება. კონსტიტუციური პროტესტის გამოსათქმელად მივდივართ თელავში, ადგილი გამოგიყავითო და არ გვიშვებენ,“ - განაცხადა ნიკა მელიამ.