ინდოეთში, ქალაქ მუმბაის საავადმყოფოში გაჩენილი ხანძრის შედეგად სულ მცირე რვა ადამიანი დაიღუპა, ხოლო 140 კი დაშავდა. ამის შესახებ ინფორმაციას ტელეარხი NDTV საგანგებო სამსახურებზე დაყრდნობით ავრცელებს.
არსებული ინფორმაციით, 28 დაშავებულის მდგომარეობა კრიტიკულია.
ამ ეტაპზე ხანძრის მიზეზი უცნობია. სახანძრო სამსახურის ინფორმაციით, საავადმყოფოში ხანძარსაწინააღმდეგო სისტემები სათანადოდ არ ფუნქციონირებდა. ერთ-ერთი ვერსიით, ხანძარი შესაძლოა, ჰაერის კონდიციონირების სისტემაში მოკლე ჩართვამ გამოიწვია.