ბავშვთა და ახალგაზრდობის ეროვნული ცენტრის მიერ განხორციელებულ პროექტებში 110 ათასამდე ახალგაზრდა იყო ჩართული

„ბავშვთა და ახალგაზრდობის ეროვნული ცენტრის“ ხელმძღვანელმა გიგა გაბელაიამ, ცენტრის მიერ 2018 წელს განხორციელებული საქმიანობა შეაჯამა და ახალგაზრდების განათლების, დასაქმებისა და პროფესიული განვითარების შესაძლებლობების შექმნის, ცხოვრების ჯანსაღი წესის დანერგვისა და სპეციალური საგანმანათლებლო საჭიროების მქონე მოზარდების მხარდაჭერაზე ისაუბრა.

განათლების სამინისტროს ინფორმაციით, ცენტრის საქმიანობა განათლების, მეცნიერების, კულტურისა და სპორტის მინისტრის მოადგილემ ნათია ზედგინიძემ შეაფასა. მან მნიშვნელოვანი უწოდა პროექტებს, რომელსაც ცენტრი სახელმწიფოს ახალგაზრდული პოლიტიკის ფარგლებში ახორციელებს და რომელიც დადებით ზეგავლენას ახდენს მომავალი თაობის ცნობიერებისა და თვითშეგნების ჩამოყალიბებაზე. დასასრულს, ნათია ზედგინიძემ სამინისტროს მხრიდან „ბავშვთა და ახალგაზრდობის ეროვნულ ცენტრს“ დაგეგმილი პროგრამების განხორციელებაში მხარდაჭერა აღუთქვა.

2018 წლის განმავლობაში ცენტრმა 15 საგანმანათლებლო ტრენინგ-მოდული შეიმუშავა, შვიდი მასშტაბური ახალგაზრდული ბანაკი და “ახალგაზრდული ფესტივალი - 2018“ განახორციელა. პროექტებში 110 000-ზე მეტი მონაწილე იყო ჩართული, ბანაკების მიმდინარეობის პროცესში კი, 500-მდე ახალგაზრდა დასაქმდა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ