თემირლან მაჩალიკაშვილის დედა - ვითხოვ, დამტკიცდეს თემირლანის უდანაშაულობა - თუ სწამთ ღმერთი, ეყოთ ამდენი უსამართლობა

სასამართლოსგან ვითხოვ, დამტკიცდეს თემირლანის უდანაშაულობა, აღიარონ, რომ არაფერში იყო გარეული, - ამის შესახებ ჟურნალისტებს თემირლან მაჩალიკაშვილის დედამ, აიზა(მედიკო) მარგოშვილმა სასამართლოში განუცხადა, სადაც მაჩალიკაშვილის ოჯახის სარჩელის განხილვა მიმდინარეობს.

როგორც მარგოშვილი აცხადებს, მისი შვილი სახელმწიფო უსაფრთხოების სამსახურმა მტკიცებულებების გარეშე დაადანაშაულა ტერორიზმთან კავშირში.

„მტკიცებულების გარეშე, პირდაპირ ტერორისტებთან დააკავშირეს ჩემი შვილი. თუ სწამთ ღმერთი და ადამიანობის ერთი პროცენტი თუ შერჩენიათ, ეყოთ ამდენი უსამართლობა, ამდენი არაადამიანური ბრალდება და ცილისწამება. ღმერთის წყალობით, მგონი გავიმარჯვებთ და დამტკიცდება თემირლანის უდანაშაულობა", - განაცხადა მარგოშვილმა.

ამ წუთებში, თბილისის საქალაქო სასამართლოში სახელმწიფო უსაფრთოხების სამსახურის წინააღმდეგ თემირლან მაჩალიკაშვილის მშობლების, აიზა მარგოშვილისა და მალხაზ მაჩალიკაშვილის სარჩელის განხილვა მიმდინარეობს.

აღნიშნული სარჩელით, მაჩალიკაშვილის ოჯახი სუს-ს მათი გარდაცვლილი შვილის მიმართ უდანაშაულობის პრეზუმფციის დარღვევას ედვება.

სასამართლო სხდომას არ ესწრება მალხაზ მაჩალიკაშვილი. პროცესზე გამოცხადდა ზაზა სარალიძეც.

იხილეთ ვიდეო: საქალაქო სასამართლოში თემირლან მაჩალიკაშვილის ოჯახის სარჩელის განხილვა გრძელდება

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება