საქართველოს საგარეო საქმეთა მინისტრი დავით ზალკალიანი ბულგარეთის რესპუბლიკის საგანგებო და სრულუფლებიან ელჩს, დესსისლავა ივანოვას შეხვდა.

როგორც „ინტერპრესნიუსს“ საგარეო საქმეთა სამინისტროდან აცნობეს, შეხვედრის ფარგლებში, მხარეებმა საქართველოსა და ბულგარეთის რესპუბლიკის ორმხრივი თანამშრომლობის დღის წესრიგი განიხილეს.

„დადებითი შეფასება მიეცა პოლიტიკურ დონეზე არსებულ ურთიერთობებს და განსაკუთრებული ხაზი გაესვა მაღალი დონის ვიზიტების განხორციელების აუცილებლობას.

ბულგარეთის ელჩმა კიდევ ერთხელ დააფიქსირა საქართველოს სუვერენიტეტისა და ტერიტორიული მთლიანობის, ევროპული და ევრო-ატლანტიკური ინტეგრაციის პროცესის მტკიცე მხარდაჭერა.

შეხვედრის დასასრულს, მხარეები აქტიური თანამშრომლობის შენარჩუნებაზე შეთანხმდნენ“, - ნათქვამია სამინისტროს ინფორმაციაში.