ფეხბურთის ფედერაციის პრეზიდენტის არჩევნებში მხოლოდ ერთი კანდიდატი, ლევან კობიაშვილი მიიღებს მონაწილეობას

საქართველოს ფეხბურთის ფედერაციის პრეზიდენტის არჩევნებში, რომელიც 15 თებერვალს ჩატარდება, მხოლოდ ერთი კანდიდატი, ფედერაციის მოქმედი პრეზიდენტი ლევან კობიაშვილი მიიღებს მონაწილეობას, - ამის შესახებ ფედერაციის საიტზე გამოქვეყნებულ ინფორმაციაშია ნათქვამი.

"საქართველოს ფეხბურთის ფედერაციის 29-ე საარჩევნო ყრილობა 15 თებერვალს ჩატარდება. ყრილობაში მონაწილეობის სურვილი ოფიციალურად დაადასტურა 29 სუბიექტმა. 15 თებერვლის არჩევნებში მონაწილეობას არ მიიღებს ქვემო ქართლის რეგიონული ფეხბურთის ფედერაცია, რომელსაც ამ დრომდე არ მიუმართავს საქართველოს ფეხბურთის ფედერაციის გენერალური სამდივნოსთვის.

საპრეზიდენტო კანდიდატების რეგისტრაციის ვადა 21 იანვარს ამოიწურა. რეგისტრირებულია მხოლოდ ერთი კანდიდატი - საქართველოს ფეხბურთის ფედერაციის მოქმედი პრეზიდენტი ლევან კობიაშვილი, რომელიც გუშინდელი დღის ჩათვლით, კანდიდატად ორგანიზაციის 28 სუბიექტმა წარადგინა. ესენია: ს.კ. დინამო თბილისი, ს.კ. სიონი, ს.კ. მერანი მარტვილი, ს.კ. სამტრედია, ს.კ.ცხინვალი, ს.კ.ვიტ ჯორჯია, ს.კ.ტორპედო ქუთაისი, ს.კ.კოლხეთი 1913, ს.კ.გაგრა, ს.კ.ზუგდიდი, ფ.კ.გორი, ქალთა ფეხბურთის ფედერაცია, მცხეთა-მთიანეთის რფფ, აჭარის ფეხბურთის ფედერაცია, სამეგრელო ზ.სვანეთის რფფ, ფეხბურთის მუშაკთა პროფკავშირი, სამხრეთ ოსეთის ფფ, სამცხე ჯავახეთის ფფ, აფხაზეთის ფეხბურთის ფედერაცია, გურიის რფფ, რაჭა-ლეჩხუმისა და ქ. სვანეთის რფფ, შიდა ქართლის რფფ, ფუტსალის ასოციაცია, კახეთის რფფ, იმერეთის რფფ, ფეხბურთის მსაჯთა და მსაჯთა დამკვირვებელთა კავშირი, ვეტერან ფეხბურთელთა გაერთიანება და თბილისის ფეხბურთის ფედერაცია.

ზემოთ ჩამოთვლილ სუბიექტებთან ერთად, ყრილობაზე დარეგისტრირდა ს.კ. ზესტაფონი. საარჩევნო ყრილობაში მონაწილეობას სულ 29 სუბიექტი მიიღებს.

15 თებერვალს ფეხბურთის ფედერაციის პრეზიდენტთან ერთად, აღმასრულებელ კომიტეტსაც ოთხი წლის ვადით აირჩევენ.

ფეხბურთის ფედერაციის 29-ე ყრილობა სასტუმრო „ჰუალინგში“ 12 საათზე დაიწყება", - აღნიშნულია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)