შვეიცარიელმა ექსპერტებმა შვეიცარიაში კვლევითი პერსპექტივებისა და დაფინანსების შესაძლებლობების შესახებ ტრენინგი გამართეს

განათლების რეფორმის ფარგლებში, რომელიც ევროპის წამყვანი ქვეყნების სამეცნიერო სტრუქტურებში ქართველი მეცნიერების მაქსიმალურ ინტეგრაციას ითვალისწინებს, შოთა რუსთაველის საქართველოს ეროვნული სამეცნიერო ფონდის ორგანიზებით ჩატარდა ტრენინგი, რომელსაც ფონდის მიერ სპეციალურად ამ ღონისძიებისათვის მოწვეული ექსპერტი წარუძღვა.

შოთა რუსთაველის საქართველოს ეროვნული სამეცნიერო ფონდის ინფორმაციით, ტიმოთი რაიანის მიერ გამართული ტრენინგი ორ სესიად ჩატარდა: პირველი ნაწილი დაეთმო ფონდის ადმინისტრაციის წარმომადგენელთა ინფორმირებას, შვეიცარიის ეროვნული სამეცნიერო ფონდის მიერ საგრანტო კონკურსების ადმინისტრირების და საერთაშორისო თანამშრომლობის გამოცდილების შესახებ; ხოლო ტრენინგის მეორე ნაწილი ჩატარდა საქართველოს სამეცნიერო საზოგადოებისათვის შვეიცარიაში არსებული კვლევითი შესაძლებლობების შესახებ ინფორმაციის მიწოდების მიზნით.