„რუსთავი 2-ის“ ჟურნალისტის დავით ერაძის საცხოვრებელ სახლს ესროლეს

„რუსთავი 2-ის“ ჟურნალისტის დავით ერაძის საცხოვრებელ სახლს ესროლეს, - აღნიშნულ ინფორმაციას „რუსთავი 2“ ავრცელებს. მათივე ცნობით, დაზიანებულია სახლის კარი, ტყვიის მასრა კი აივანზე იპოვეს.

მომხდარ ფაქტზე კომენტარი გააკეთა "რუსთავი 2-ის" გენერალურმა დირექტორმა ნიკა გვარამიამ.

"წინასწარ ვერავის დავადანაშაულებ, მაგრამ აბსოლუტურად ცხადია პირადად ჩემთვის, რომ დავით ერაძეზე თავდასხმა უკავშირდება მის სკანდალურ რეპორტაჟს ე.წ. მოჭიდავეების საქმესთან დაკავშირებით", - განაცხადა „რუსთავი 2-ის" გენერალურმა დირექტორმა.

ფაქტზე ძიება შინაგან საქმეთა სამინისტრომ სისხლის სამართლის კოდექსის 236-ე მუხლით დაიწყო, რაც იარაღისა და საბრძოლო მასალის​ უკანონო შენახვა-შეძენას გულისხმობს.

იხილეთ ვიდეო: თავდასხმა "რუსთავი2"-ის ჟურნალისტზე - დავით ერაძის საცხოვრებელ სახლს ესროლეს