ქუთაისის საქალაქო სასამართლოში მორაგბე მერაბ კვირიკაშვილის პროცესი განახლდა. დღევანდელ პროცესზე ექსპერტები დაიკითხებიან.

მხარეები კითხვებს შსს-ს საექსპერტო კრიმინალური დეპარტამენტის ექსპერტს ირაკლი სადრაძეს და სამხარაულის ექსპერტიზის ბიუროს ექსპერტს, ემზარ გავაშელაშვილს დაუსვამენ. ექსპერტებმა საქმესთან დაკავშირებით შედგენილი მეოთხე დასკვნა მოამზადეს. პროცესს ადვოკატთან ერთად ესწრება მორაგბე მერაბ კვირიკაშვილი. საქმეს მოსამართლე მურთაზ კაპანაძე უძღვება.

შეგახსენებთ, საქმე ეხება 2016 წელს მომხდარ ავტოსაგზაო შემთხვევას, რის შედეგადაც ოთხი ადამიანი გარდაიცვალა.