საპარლამენტო უმცირესობა განათლების მინისტრთან ია კერზაიას საქმეზე და გამოცდების გაუქმების საკითხზე საუბარს გეგმავს

საპარლამენტო უმცირესობა განათლების მინისტრ მიხეილ ბატიაშვილთან ია კერზაიას საქმეზე და გამოცდების გაუქმების საკითხზე საუბარს გეგმავს, - ამის შესახებ ჟურნალისტებს პარლამენტის ვიცე-სპიკერმა, „ევროპული საქართველოს" წევრმა სერგი კაპანაძემ განუცხადა.

მისი თქმით, ამ კვირაში ელოდებიან პარლამენტში განათლების მინისტრის მისვლას.

„ბევრი საკითხი გვაქვს, თუმცა ორი მიმართულებაა ყველაზე მნიშვნელოვანი. პირველია ია კერზაიას საქმე, რომელზეც პასუხისმგებლობა უნდა აიღოს მინისტრმა და იმ ადამიანებმა, ვინც უშუალოდ მონაწილეობდა მის შევიწროებაში. მეორე საკითხია იმ კვაზი-რეფორმის მსგავსი ინიციატივა, რომელიც გულისხმობს მხოლოდ ერთ რამეს- გამოცდების გაუქმებას და არაფერს სხვას. მინისტრს ჰგონია, რომ გამოცდების გაუქმების გზით გააუმჯობესებს სწავლების ხარისხს. ეს არის კატასტროფული მიდგომა. რაც შეეხება ინფრასტრუქტურის მინისტრს, მასთანაც გვექნება კითხვები რამდენიმე მიმართულებით. პირველი საკითხია კორუფცია, რომელიც ამ სისტემაში არსებობს. ასევე გვექნება საუბარი ზოგადად დეცენტრალიზაციის სტრატეგიაზე და რეგიონების უფლებამოსილებებზე. დღეს ერთ-ერთი მთავარი პრობლემა არის ის, რომ რეგიონული თვითმმართველობები ადგილებზე ვერ მართავენ რეგიონებს და იმართებიან ცენტრალიზებულად, მათ შორის სუს-ის გზით", - განაცხადა კაპანაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში