შპს „სოფლის მეურნეობის ლოგისტიკისა და სერვისების კომპანია“ ბაზრის კვლევას აცხადებს. ამის შესახებ აღნიშნულია სახელმწიფო შესყიდვების სააგენტოს ვებ–გვერდზე გამოქვეყნებულ ინფორმაციაში.

კვლევა აზიური ფაროსანას წინააღმდეგ გასატარებელი ღონისძიებებისათვის შემასხურებელი ტექნიკის შესაძენად ტარდება. ამ მიზნით, შპს „სოფლის მეურნეობის ლოგისტიკისა და სერვისების კომპანია“ მიმართავს დაინტერესებულ კომპანიებს,

თანდართული ტექნიკური მახასიათებლებისა და რაოდენობის მიხედვით წარმოადგინონ მათი წინადადებები.

„მაქსიმალური ფასდაკლების გათვალისწინებით (ერთეულისა და ჯამური ღირებულებების მითითებით) ეროვნულ ვალუტაში, საქართველოს კანონმდებლობით გათვალისწინებული ყველა გადასახადის, ტრანსპორტირების და სხვა თანმდევი ხარჯების ჩათვლით. წინადადებების წარმოდგენის საბოლოო ვადაა 2019 წლის 8 თებერვლის 13:00 საათი. წინადადებები მოგვაწოდეთ დალუქულ კონვერტებში შემდეგ მისამართზე: თბილისი, დიღმის მასივი, სანდრო ახმეტელის 10ა, მე-2 სართული“, – ნათქვამია განცხადებაში.