ტერაბანკი მცირე და საშუალო ბიზნესს ახალ პროდუქტს - წინასწარ დამტკიცებულ საკრედიტო ლიმიტს სთავაზობს.

შეთავაზება ბიზნესკლიენტებისთვის მაქსიმალური საკრედიტო ლიმიტის წინასწარ დამტკიცებას გულილისხმობს. ლიმიტის ფარგლებში, დამტკიცებული თანხის გამოყენება ბიზნესის წარმომადგენლებს სასურველ დროს, დამატებითი ფინანსური ანალიზის გარეშე, საქმიანობის ან პირადი საჭიროებებისთვის შეეძლებათ.

საკრედიტო ლიმიტის დამტკიცება ბიზნესკლიენტებს საშუალებას მისცემს, ლოდინისა და დამატებითი განაცხადის გარეშე, სწრაფად აიღონ სესხი, განსაზღვრონ საკუთარი ბიზნესის მაქსიმალური კრედიტუნარიანობა და სამომავლო, გრძელვადიანი გეგმები.

„წინასწარ დამტკიცებული საკრედიტო ლიმიტით მცირე და საშუალო ბიზნესის წარმომადგენლებს სწრაფ მომსახურებასა და დამატებით ბენეფიტებს ვთავაზობთ. როგორც ცნობილია, ეს სეგმენტი ტერაბანკის ერთ-ერთი სტრატეგიული და წარმატებული მიმართულებაა. ვფიქრობთ, საკრედიტო ლიმიტი კიდევ უფრო გაამყარებს ჩვენი ბანკისა და კლიენტების ურთიერთობას. ვიმედოვნებთ, რომ ის საკმაოდ მოთხოვნადი პროდუქტი იქნება“, - აცხადებენ ტერაბანკში.

წინასწარ დამტკიცებული საკრედიტო ლიმიტი როგორც არსებული, ისე ახალი ბიზნესკლიენტებისთვისაა განკუთვნილი. საკრედიტო ლიმიტის მოცულობა ლარში, აშშ დოლარში ან ევროში მტკიცდება. ბიზნესსაჭიროებისთვის ლიმიტის ათვისება დამტკიცებიდან 12 თვის, ხოლო პირადი საჭიროებისთვის 6 თვის განმავლობაშია შესაძლებელი.

ტერაბანკი უკვე 19 წელია რაც ბაზარზეა, თუმცა ტერაბანკის სახელით მხოლოდ რებრენდინგის შემდეგ პოზიციონირებდა. ბანკი არაბულ საინვესტიციო ჰოლდინგს - დაბი ჯგუფს ეკუთვნის. მისი მთავარი აქციონერი შეიხი ნაჰაიან მუბარაქ ალ ნაჰაიანია, რომელსაც საქართველოში 250 მილიონი დოლარის ინვესტიცია აქვს განხორციელებული, საბანკო და სასტუმრო ბიზნესის მიმართულებით.

(R)