ექსპერტიზის დასკვნით, დიდ დიღომში, აფეთქების შედეგად დაზიანებული კორპუსი საცხოვრებლად მდგრადია

ექსპერტიზის დასკვნით, დიდ დიღომში, ბუნებრივი აირის აფეთქების შედეგად დაზიანებული კორპუსი საცხოვრებლად მდგრადია, თუმცა სარეაბილიტაციაო სამუშაოებს საჭიროებს, - ამის შესახებ „ინტერპრესნიუსს“ საბურთალოს რაიონის გამგებელმა, გაიოზ ვასაძემ განუცხადა.

მისივე ინფორმაციით, ამ ეტაპისთვის თბილისის მერიისგან 55 ოჯახს ბინის ქირის კომპენსაცია ერიცხება.

„რაც შეეხება კორპუსის მდგრადობას, სამხარაულის ექპერტიზის დასკვნის მიხედვით, კონსტრუქცია არის მდგრადი, მაგრამ აღენიშნება უმნიშვნელო დაზიანებები. თუმცა მე-6 სართულს აქვს მე-3 და მე-4 კატეგორიის დაზიანებები. აღნიშნულზე ჩვენ მოგვივიდა სამხარაულის რეკომენდაცია, თუ რა სამუშაოები უნდა ჩატარდეს ჩვენი მხრიდან. მათი რეკომენდაციები იქნება გათვალისწინებული სარეაბილიტაციო სამუშაოების დროს და კორპუსი იქნება სრულად რეაბილიტირებული. ამის შემდეგ კორპუსი იქნება სრულად უსაფრთხო საცხოვრებლად. უახლოეს მომავალში გვექნება მატერიალური და საინჟინრო ზარალის შესახებ ინფორმაცია, ექსპერტიზის დასკვნა. მას შემდეგ, რაც ყველა პასუხს მივიღებთ, თბილისის მერიის კონტრაქტორი კომპანია განახორციელებს კორპუსის რეაბილიტაციას. რაც შეეხება მეორე კორპუსს, რომელშიც აივნები, ფანჯრები იყო დაზიანებული, იქ ყველაფერი უკვე გაკეთდა, ბუნებრივი აირის მიწოდებაც აღდგა, დასუფთავების სამსახურმა დაიწყო მუშაობა“, - განაცხადა გამგებელმა.

მისივე განმარტებით, მერიის ინფრასტრუქტურის საქალაქო სამსახურის კონტრაქტორი კომპანია მზად არის, დასკვნის მიღებისთანავე დაიწყოს სამუშაოები.

„დღეს კომპანია ლოკალურად მუშაობს. რაც შეეხება ზარალის ანაზღაურებას, როგორც თბილისის მერმა განაცხადა, ზარალის ანაზღაურება სრულად მოხდება მერიის მხრიდან, როგორც მატერიალური, ისე საინჟინრო. კონკრეტულ თანხებზე ჯერ ვერ ვისაუბრებთ. ამ ეტაპზე არ ვიცით ეს ყველაფერი რა დაჯდება, იქამდე, ვიდრე ზარალის ოდენობას ექსპერტიზა არ დათვლის“, - განაცხადა გაიოზ ვასაძემ.

შეგახსენებთ, რომ 16 იანვარს დიდ დიღომში, ავთანდილის ქუჩაზე ბუნებრივი აირის გაჟონვის შედეგად აფეთქება მოხდა. უბედური შემთხვევის შედეგად 4 ადამიანი გარდაიცვალა. დაკავებულია კომპანია „ყაზტრანსგაზ-თბილისის“ ორი თანამშრომელი.

იხილეთ ვიდეო

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი