ქეთევან ციხელაშვილი ხურვალეთში ე.წ. საგუშაგოს მშენებლობაზე - ესაა ყოველდღიური ბრძოლა ადამიანების წინააღმდეგ

ერთი დასკვნის გამოტანა შეიძლება მთელი ამ პროცესიდან, ესაა ყოველდღიური ბრძოლა ადამიანების წინააღმდეგ, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ხურვალეთში ე.წ. საგუშაგოს მშენებლობასთან დაკავშირებით დასმული კითხვის პასუხად განაცხადა.

მისივე თქმით, აღნიშნულ ობიექტებს არანაირი სამხედრო-სტრატეგიული დანიშნულება არ აქვს, მათი ერთადერთი დანიშნულებაა მოსახლეობაზე ზეწოლა.

„დღეს ერგნეთში იმართება ინციდენტების პრევენციის და მათზე რეაგირების მექანიზმის მორიგი შეხვედრა, სადაც ქართული მხარე ძალიან ბევრ მომდინარე მწვავე საკითხთან ერთად, დააყენებს სწორედ ამ ხელოვნური სხვადასხვა ტიპის ბარიკადის მშენებლობას, მათ შორის ე.წ. საგუშაგოს. ხურვალეთში ამ ადგილას მავთულხლართების მშენებლობა მოსახლეობის კარ-მიდამოში და მერე ამ შემაღლებული კონსტრუქციის დაყენება არის იმის დემონსტრირება, რომ საოკუპაციო რეჟიმი ადამიანებს ებრძვის ყოველდღიურად. არანაირი სამხედრო- სტრატეგიული დანიშნულება ამ ობიექტებს არ აქვს. ერთადერთი დანიშნულებაა ზეწოლა მოსახლეობაზე და უმეტესწილად ჩვენ ოს მოსახლეობაზე, რომელიც ცხინვალის რეგიონის ოკუპირებულ მხარეს ცხოვრობს და ცდილობს, რომ რამენაირად წვდომა ჰქონდეს კონტროლირებად ტერიტორიაზე. ერთი დასკვნის გამოტანა შეიძლება მთელი ამ პროცესიდან, ესაა ყოველდღიური ბრძოლა ადამიანების წინააღმდეგ", - განაცხადა ციხელაშვილმა.

მან ასევე იმ საკითხებზე ისაუბრა, რომელზეც დღეს ერგნეთის შეხვედრაზე იმსჯელებენ.

"ძალიან ბევრი საკითხია, დაწყებული ტატუნაშვილისა და ბაშარულის მკვლელობიდან, რომ აუცილებელია დამნაშავეებმა პასუხი აგონ. რა თქმა უნდა, უმწვავესი პრობლემაა, რომ ცხინავალის მიმართულებით ერთადერთ გადასასვლელ პუნქტზე მოძრაობაა შეზღუდული, უკვე ფაქტობრივად ერთი თვეა, რაც ოძისი-ახალგორის მონაკვეთზე მოსახლეობას არ ეძლევა გადაადგილების შესაძლებლობა, ეს პირდაპირი გაგებით ყოფს ოჯახებს. სასიცოცხლოდ მნიშვნელოვანი პროდუქტები არ შედის რეგიონში. ჩვენ დავაყენებთ გზის დაუყოვნებლივ გახსნის შესაძლებლობის საკითხსაც“, - განაცხადა ციხელაშვილმა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ