გორის მერი - ხურვალეთში სიმშვიდეა და დაძაბულობას ადგილი არ აქვს

„სოფელ ხურვალეთში სიმშვიდეა და დაძაბულობას ადგილი არ აქვს. შევხვდი მოსახლეობას და ევროკავშირის სადამკვირვებლო მისიის წარმომადგენლებს, რომლებიც ამ დრომდე ადგილზე რჩებიან“, – ამის შესახებ გორის მუნიციპალიტეტის მერმა კონსტანტინე თავზარაშვილმა განაცხადა, რომელმაც სოფელ ხურვალეთში არსებული სიტუაცია შეაფასა.

როგორც „ინტერპრესნიუსს“ გორის მერიიდან აცნობეს, აღნიშნული განცხადება მერმა მას შემდეგ გააკეთა, რაც სოფელ ხურვალეთში ადგილობრივ მოსახლეობას შეხვდა. კონსტანტინე თავზარაშვილი ევროკავშირის მისიის წარმომადგენლებსაც ესაუბრა და ვითარებას ადგილზე გაეცნო.

„პანიკის საფუძველი არ არსებობს და მინდა ყველას სიმშვიდისკენ მოვუწოდო. ჩვენ ადგილობრივებთან გვაქვს კომუნიკაცია და დღეს, ისევე როგორც გუშინდელი შეხვედრის დროს აცხადებენ, რომ პანიკისა და საფრთხის საშიშროება არ არსებობს. ჩვენთვის ესაა ყველაზე მნიშვნელოვანი. ყველაფერს გავაკეთებთ იმისათვის, რომ ამ ადამიანებმა თავი დაცულად და უსაფრთხოდ იგრძნონ,“ – განაცხადა კონსტანტინე თავზარაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს