ვფიქრობ, რომ გარკვეული პროვოკაცია იყო, საჭიროა მეტი ყურადღება და სიბრძნე, - ასე შეაფასა საპარლამენტო უმრავლესობის წევრმა გია ვოლსკიმ ხურვალეთში განვითარებული მოვლენები. ვოლსკის თქმით, გარკვეული ძალები ცდილობენ ამ თემით პოლიტიკური დივიდენდების მიღებას.

„ვფიქრობ, რომ გარკვეული პროვოკაცია იყო, თუმცა შეფასება არ მინდა. ოკუპაციის წინაშე რომ დგახარ და თვალებში ჩასცქერი იმ ხალხს, ვინც ოკუპაცია მოახდინა, რასაკვირველია, ნებისმიერ ადამიანზე მოქმედებს და ვერ მისცემ შენიშვნას, მაგრამ მეტი ყურადღებაა საჭირო, მეტი სიბრძნეა საჭირო და რასაკვირველია, ის მტკიცე პოზიცია, რაც მთელმა საერთაშორისო საზოგადოებამ გამოუცხადა ოკუპანტ ძალას. გარკვეული ძალები ცდილობენ როგორმე დაძაბონ სიტუაცია“, - განაცხადა გია ვოლსკიმ.