ამ პირობებში დამატებით გარკვეული დაძაბულობისა და პანიკის პროვოცირება აბსოლუტურად მიუღებლად მიმაჩნია, - ასე შეაფასა შერიგებისა და სამოქალაქო თანასწორობის საკითხებში საქრთველოს სახელმწიფო მინისტრმა ქეთევან ციხელაშვილმა ხურვალეთში განვითარებული მოვლენები.

„მინდა მაქსიმალური პასუხისმგებლობისკენ და სიფრთხილისკენ მოვუწოდო ყველას, ცხადია, პირველ რიგში, ეს ჩვენი ხელისუფლების მოვალეობაა, მაგრამ არც პოლიტიკოსები, არც აქტივისტები, არც მედია ამ ვალდებულებისგან გათავისუფლებული არ არის, რადგან საქმე ეხება ჩვენი ქვეყნის უსაფრთხოებას, მოსახლეობას. როდესაც ჩვენ უკვე გვაქვს ძალიან მძიმე მოცემულობა ოკუპაციის, ეს ხომ არ არის ჩვეულებრივი და ნორმალური მოვლენა, რომლითაც გვინდა ვიცხოვროთ და რომელსაც შევეგუებით. ამ პირობებში დამატებით გარკვეული დაძაბულობის და პანიკის პროვოცირება, აბსოლუტურად მიუღებლად მიმაჩნია, და გუშინ სამწუხაროდ, ამასთან გვქონდა ადგილი“, -განაცხადა ქეთევან ციხელაშვილმა.