ეკა ბესელია დიმიტრი გვრიტიშვილს - თუ ვინმემ ჩემს მიმართვაში საკუთარი თავი ამოიცნო და გააიგივა, ეს მისი პრობლემაა, ასეთი „ანასხლეტები“ კი ყველგან არიან

ჩემს ღია მიმართვაში არ არის სახელები, არის ფაქტები. თუ ვინმემ იქ საკუთარი თავი ამოიცნო და გააიგივა ეს მისი პრობლემაა, - ამის შესახებ „ქართული ოცნების“ დეპუტატმა ეკა ბესელიამ „ინტერპრესნიუსს“ განუცხადა, როდესაც გამოეხმაურა იუსტიციის უმაღლესი საბჭოს მოსამართლე წევრის, დიმიტრი გვრიტიშვილის განცხადებას.

„ჩემს ღია მიმართვაში არის ფაქტები. თუ ვინმემ იქ საკუთარი თავი ამოიცნო და გააიგივა, ეს მისი პრობლემაა, ასეთი „ანასხლეტები“ კი ყველგან არიან, სამწუხაროდ“, - განაცხადა ეკა ბესელიამ.

შეგახსენებთ, დიმიტრი გვრიტიშვილი სოციალურ ქსელში გამოეხმაურა „ქართული ოცნების“ დეპუტატების იმ საკანონმდებლო ინიციატივას, რომელიც პირველ და მეორე ინსტანციის სასამართლოებში მოსამართლეთა უვადოდ განმწესების პროცესის შეჩერებას გულისხმობს

„მოსამართლეთა უვადოდ განმწესების შეჩერების ინიციატორები „სააკაშვილის დროინდელ გადმონაშთებს“ და ,,ანასხლეტებს“ გვიწოდებენ, არადა, ისინი სწორედ იმ წარსულს აბრუნებენ“, - წერს გვრიტიშვილი.

როგორც ცნობილია, მოსამართლეთა უვადოდ განმწესების შეჩერების თაობაზე კანონპროექტს ხელს აწერენ: გედევან ფოფხაძე, ალექსანდრე ერქვანია, ზვიად კვაჭანტირაძე, კობა ნარჩემაშვილი, ლევან კობერიძე, დავით ჭიჭინაძე, ოთარ ჩრდილელი, ეკა ბესელია და ლევან გოგიჩაიშვილი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს