საფრანგეთში, მოძრაობა „ყვითელი ჟილეტების“ აქციაზე სამართალდამცველებსა და მომიტინგეებს შორის დაპირისპირება მოხდა. შეტაკებისას რამდენიმე ადამიანი დაშავდა.
ძალოვნებმა მომიტინგეების წინააღმდეგ ცრემლსადენი გაზი და წყლის ჭავლი გამოიყენეს.
აქციის მონაწილეები და სამართალდამცველები ერთმანეთს ტრიუმფალური თაღის მიმდებარე ტერიტორიაზე დაუპირისპირდნენ.
დემონსტრანტები პრეზიდენტ მაკრონის ეკონომიკურ პოლიტიკას ქუჩაში უკვე მეცამეტე კვირაა აპროტესტებენ.