საგარეო ურთიერთობათა კომიტეტმა დეზინფორმაციისა და პროპაგანდის საკითხებზე თემატური მოკვლევის ჯგუფი შექმნა

საგარეო ურთიერთობათა კომიტეტმა დეზინფორმაციისა და პროპაგანდის საკითხებზე თემატური მოკვლევის ჯგუფი შექმნა. ჯგუფის შექმნის შესახებ ახალი ინიციატივა კოლეგებს კომიტეტის თავმჯდომარის პირველმა მოადგილემ ნინო გოგუაძემ წარუდგინა. ინფორმაციას საქართველოს პარლამენტის პრესსამსახური ავრცელებს.

თემატური მოკვლევის ჯგუფი მოიკვლევს და შეისწავლის სახელმწიფოს ინტერესების საწინააღმდეგოდ მიმართული დეზინფორმაციისა და პროპაგანდის გავრცელებასთან დაკავშირებით არსებულ ძირითად პრობლემებს და გამოწვევებს საქართველოში.

ჯგუფი ადგილობრივ ორგანიზაციებთან, დამოუკიდებელ ექსპერტებთან და მკვლევარებთან თანამშრომლობით, იმსჯელებს რეაგირების ყველა შესაძლო ეფექტიან მექანიზმზე, რომელიც საბოლოოდ, რეკომენდაციის სახით შემუშავდება აღმასრულებელი ხელისუფლებისთვის. ჯგუფის შემადგენლობაში იქნებიან, როგორც მმართველი გუნდის, ასევე ოპოზიციური პარტიების წარმომადგენლები.

„თემატური ჯგუფი ითანამშრომლებს იმ ორგანიზაციებთან, რომლებიც მუშაობენ და ახორციელებენ კვლევებს რუსული პროპაგანდის და დეზინფორმაციის საკითხებზე. მნიშვნელოვანია, მათ მიერ დანახული, შეფასებული, გაანალიზებული პრობლემები, რომლებიც ამ საკითხს უკავშირდება. ჩვენ გვექნება კომუნიკაცია სახელმწიფო უწყებებთან, რომლებიც სფეროების მიხედვით პასუხისმგებლები არიან საკითხზე მუშაობისთვის. ერთობლივი პროცესი რომელშიც ჩართულები იქნებიან პარლამენტის, აღმასრულებელი ხელისუფლების და სამოქალაქო საზოგადოების წარმომადგენლები შესაძლებლობას მოგვცემს ჯგუფი შეჯერდეს კონკრეტულ რეკომენდაციებზე, რომელიც იქნება კიდევ ერთი ნაბიჯი, რომ სახელმწიფო უწყებებმა ამ მიმართულებით უფრო ეფექტიანად იმუშაონ“, - განაცხადა ნინო გოგუაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო